貴族街市本土味 - 跑馬地《銖記海鮮飯店》

跑馬地，除賽馬之外，向來都給人一個高貴高尚的感覺。據說，連區內既街市都被稱為貴族街市。雖有這稱呼，但當大家上到去街市的熟食中心，其實是一個非常親民同大眾化的地方。中午，特式的多士，美味的粉麵，好飲的奶茶，吸引到不少打工仔專程坐電車入來品味的。

晚上，上述的食肆就不會營業了，整個場會被場內唯一的一間晚飯大排檔用晒。這就是黃泥涌街市及熟食中心唯一的夜市食店《銖記海鮮飯店》。

為何無啦啦會入到來跑馬地，仲要食街市呢? 原因就是該晚約了親戚交收BB物品，說過大家食完飯之後才去香港仔集合。太太帶齊家中兩個小朋友駒車前來灣仔接我放工。上到車，叫我找個可泊車的地方先食個飯，而我就立即想起了跑馬地，到達跑馬地，志在簡單食一餐的我們，我想起了街市。

上到來，我兩大一小一BB，第一個目標就是叫兩個炒粉麵三個人分，我確家這兒有素食小炒及粉麵之後，就叫太太推埋BB上來，大家簡而快食個晚飯。

茹素的太太沒有太多選擇，堅持大家炒粉麵算數既就點一份羅漢齋炒麵。大排檔炒菜炒粉麵，夠晒鑊氣不需要去質疑。出來的炒麵，雖不是高水準，但全脆的麵餅，極香的麵條，永遠是吸引的。店方的羅漢齋，有菇，有木耳，有BB粟米也有菜，純蔬的羅漢齋炒麵，豉油味足夠，夠足夠的味道美。

我同仔仔分享一碟不太健康的干炒牛河。色水均勻是好鑊氣，好炒功的證明。其實食干炒牛河是店方推介的，因為他們今天有河粉。的確，河粉好靚，入口味道足而且煙韌。

小朋友始終是比較喜歡甜甜酸酸的東東，阿仔看到其他食客有點咕嚕肉，所以我們後來加點了。夠甜夠脆，肉切得夠薄片，吃食來，更是香脆。我們叫了炒粉麵啊，沒有加白飯。早應該一個炒麵，兩個小菜咁食。

我在點餐時，這一家《銖記海鮮飯店》，其實鮑參翅肚乜野貴價野都有得食。這突如奇來的一個冇 plan 既晚餐，我們選擇簡單了事算了。看看有沒有機會，約幾位好友，入跑馬地，啤啤佢。

餐廳名稱：銖記海鮮飯店
地址：跑馬地毓秀街2號黃泥涌市政大廈2樓熟食中心4號舖