2017年11月30日 星期四

大埔街市鮮油多 - 鴻機茶室

大埔街市熟食中心有好幾檔,我真係可以說是由細食到大。而且,就以前同而家都是,大埔街市各商戶都保持一個良好的營商環境,我做茶水,你做粉麵,佢賣粥,後面檔做點心,夜晚留晒個場俾晚市果幾家做。我坐係A檔,可以叫B檔送東西過來食。

此外,茶水檔往往同某一兩檔粉麵拍住上,從前,在臨時街市,賣咖啡奶茶的《鴻機》是拍住賣魚蛋粉的《洪記》一齊做生意的。新街市落成後,《鴻機》同《洪記》依舊拍住上,依舊是隔離檔。

今次,我只說《鴻機》(全名是《鴻機茶室》)。因為細細個的我,入街市食早餐,《鴻機》永遠都是首選。所以今次來到街市食早餐,我終於忍不住了,要回味一下。


肚子餓,我決定要食一碗公仔麵。貪心了一點的我,點了一碗豬手麵。很正宗的豬手麵,湯麵同豬手是分開上的。麵有時菜,也就是生菜,有肉絲,湯底也是有足夠的肉味,香香的,不錯。



豬手,單是看已知道是味道美妙的。吃入口,醬味濃郁,豬手皮起了一個完美的膠質,肉腍骨香,非常之惹味。味道香,入口腍,更可以說是完美。



由細食到大的,就是鮮油多。從前,他們是以厚切方包,在中間剖開一刀再夾牛油。今時,就普通的兩片正常方包中間夾牛油。味道感覺其實有少少不同的,不過同樣的,就是牛油同麵包的完美配搭,那香味是永遠不變的。



有麵,有麵包,當然也有奶茶。奶茶看起來似英式,但入口是一杯完美,帶水滑感覺的港式奶茶,加點點的糖,入口又香又滑,令早上的我,充滿精神同力量。



多年的感情,是我給《鴻機》一個讚的其中一個原因。如果硬要同以前去對比,真的是有分別。不過,剔除這一個歷史問題,今時今日的《鴻機》,依然是一間出色的街市茶水檔。

餐廳名稱:鴻機茶室
地址:大埔鄉事會街8號大埔墟街市及熟食中心2樓CFS3舖

沒有留言:

張貼留言